بحبك اه . بقلم الشاعرة القديرة / عزة السيد
بحبك اه بقلم عزه السيد
💕 💕 💕
بحبك اه ومش بأديا مشتركيش
ياحلم الي عشانه لسه هعيش
بشوف غيري ف مدرسته اقول معلش
بحلم بس اشوف صوره ع الفتارين
لا بلبس ذيهم ابدا ولا بقرب لاكلاتهم
ولا هقدر اكون منهم لكن معلش
لا هعرف اطول احلامهم واعيش بالغش
ببص بحسرة ع الصوره وأقول معلش
بتتلون بمليون .... .... وش
مع ان والله حلمي بسيط لكن معلش
ماليش فيكي غير الفرجه ع الصوره
وحتى الفرجه من بره واقول معلش
ولو رب العباد يرضا
بالحال دي والله انا راضيه ومبغضبش
انا شايفه العذاب ف الارض لكن معلش
وبستنا نهاية الصبر ......... وجزاؤه
بيبصولي بعنيهم و بيقولو كمان معلش
يكونو شافوني بتألم وبكلمتهم خلاص
راح اخف طب معلش
سيبوني ف حالي بقا يلا
مفيش معلش بتداوي
ولوكان الوجع جوا
سيبوه جوا ومتداري
وحشتني حلاوة الروح
بنظرتكم بخاف و اجري
سيبوني ف حالي وامشو خلاص
انا هتفرج هنا وامشي
وهرجع كل يوم راح ابص
ع الفتارين واتفرج ع حلمي
لكن سيبوني يا بنأدمين
ومتقولوش تاني معلشي معلش
