حب الحلال . لأميرة الشعراء / أ. مشيرة النقيب
((((حِب الحلال))))
****************
الاتنين شِمال
إيدك وإيده
ياللي راضيين الربا
من غير مشقة او فصال
برغم وزره بتقبله
وإزاي بترضاه على العيال؟
مهما الحرام يكتر..يروح.
تتهد وياه الآمال
بس بدي كام سؤال.
كان إيه مصادر دخلكم؟
كان من حرام .أم من حلال؟
دور في عقلك وافتكر
ومنين حصلت على الأموال
دور كتير...
مالك بجد؟
ولا عشانه ظلمت حد؟
ولا لاقيته بدون تعب
أو كان أمانة لأي حد؟
دور كتير
وأكيد هتلقى ١٠٠ميت إجابة للسؤال
لو كان حلال مش راح يضيع.
ربك عليه أجمل عوض
هتروح غيامات النكد
بليالي سعد
لو كان حلال إوعاك تخاف
اهل الحلال مش ناس ضعاف.
هي فترة تحس غلطك
وتعيشها أيام العِجاف
بعدها لازم تتوب
المعاملة بالربا بتقتل قلوب
بتعلمك معنى الكسل
ودا شئ يعيب.
القرش لو كان بالعرق
بيجيب فلوس
واللقمة منه بتبقى حلوة
لوحتى مافيهاش الغموس
وتخلى بيتك كله بركة
لو كان من الطين الأساس
وتشوف سعادة في الدارين
وتشوف ولادك أحلى ناس
((كلمة ودنك بنصحك))
الحلال في كل شئ
هو الأساس
👍حِب الحلال👍
بقلمي
أ.مشيرة النقيب
5/9/2020
