مبقتش فارقه . لأميرة الشعراء / أ. مشيرة النقيب

((( مبقتش فارفة)))

       أفضل معاكم أو مِفارقة

     حتى السلام مبقاش يفيد

  ولا فارقة من غيرُه المضايقة

        مش كل متبسم حبيب

      ولا كل واجم قصده فُرقة

       ولا كل من سافر غريب

    دي معاني مقلوبة الزمن دة

        بقت الوشوش متبَسِمة

       ووراها  جُوة القلب غِل

   سكينة مغروسة في ضهورنا

     وفي الوجوه  يهدونا فل

     فين المحبة الصافية بينا

       والنية حَسَنة بتتغِزل

      وقلوب بتملاها المودة

     فين المودة إللي إتنست

  وقلوب حبيبة بدقة واحدة

            دا كان زمان

    وداب معاه كل اللي كان

    في القبر وحنين إندفن

 مفروش في بابه ألف وردة

          مبقتش فارقة

بقلمي

أ.مشيرة النقيب

22/9/2020