تحية وسلام . للشاعر محمود الجابري
سلام
لكل واحد خدعنى
اشتريته و باعنى
ليك من قلبي
تحيه وسلام
مش عشان بتخون
وقلبك مش بيصون
عمري زيك ما اكون
قليل الاحترام
ابويا قالى زمان
ادى للناس الأمان
ولو حد فيهم خان
سيبه يابنى للايام
دا صنف نمرود
لازم لاصله يعود
طبعه مش طبعك
ولا فى حياتك
يكون موجود
مالوش حتى عتاب
دا لو صاحب
أكيد صاحب كداب
خلى الخير جواك
وساعد حتى اللى
اذاك
وفي وقت محنته
لازم بالخير يلقاك
وفي نهاية الكلام
لازم قبل ما انام
أشكر اللى خدعنى
وبكل ادب واحترام
ابعتله تحيه وسلام
محمود الجابري
