هحكيلك كنا زمان . للشاعر / حسام بخيت
هاحكيلِك كنا زمان
صبيان وبنات أخوان
والبنت الحلوة بتضحك
ندعك ف عينينا ونفرك
والفجر بنوره يشقشق
ع الاسطح والغيطان
ياما كانوا وكنا وكان
يابنت بلون الشمس
وجبين ممنوع اللمس
هاحكيلِك قصة أمس
عن كانوا وكنا وكان
ياما كانوا وكنا وكان
كان بيربونا نحب
من غير مايبوح القلب
نرسم نقرا ونكتب
مشاعرنا قصص والوان
ياما كانوا وكنا وكان
كنا بنطلع للنجم
ونسيب ويّاه الحلم
ونقوله ده بكرة تهِم
ونسيب ويّاه عنوان
ياما كانوا وكنا وكان
كان ييجي الصبح يلم
ضحكتنا ويتبسم
والبنت تقوله يا سِم
يضحك ويموت فرحان
ياما كانوا وكنا وكان
بس احنا ف وقت الجَد
كنا بنسعى وبنشِد
والصبر ده مهما يمد
مايهزش فينا ا،يمان
ياما كانوا وكنا وكان .
#حسام_بخيت
